شیخوپورہ: گھریلو جھگڑا، شوہر نے بیوی کو آگ لگا دی

شیخوپورہ  تھانہ بھکھی کے علاقہ بوٹے والی چکی خالد روڈ کے رہائشی میاں بیوی کے درمیان گھریلو جھگڑا عدم برداشت کی بنا پر شدت اختیار کر گیا غصے کی حالت میں شوہر بلال نے اپنی اہلیہ شمائلہ بی بی پر مبینہ طور پر تیل چھڑک کر آگ لگا دی، جس کے نتیجے میں شمائلہ بی بی بری طرح جھلس گئی ریسکیو 1122 کی امدادی ٹیم نے مضروبہ کو تشویشناک حالت میں ڈی ایچ کیو اسپتال شیخوپورہ منتقل کر دیا پولیس تھانہ بھکھی کے مطابق جھلسنے والی خاتون کے لواحقین کی جانب سے ملنے والی تحریری درخواست کی روشنی میں مقدمہ درج کیا جائے گا۔پولیس نے واقعہ کی تفتیش شروع کر دی ہے جبکہ ملزم بلال کی گرفتاری کے لیے چھاپے مارے جا رہے ہیں۔